කැමරාවෙන් වෙඩි තියන්න......

ඡායාරූප ශිල්පියා ගැන කියවෙන ලස්සන වචන ටිකක් බුකියෙන් දැක්කට පස්සෙ ඒ ගැන පොඩ්ඩක් ලියලා දාන්න හිතුනා... ඒ වචන ටික සටහන් කලේ කවුද කියලා නම් තිබ්බෙ නෑ. ඒ ටික කියපු කෙනා කවුරු උනත් ඒ කියලා තියෙන කතාවෙන් නම් මග අරින්න බෑ...

Photographers are violence people.

First they frame you.

Then they shoot you.

After they hang you on the wall.

                                    -unknown-

ඡායාරූප ශිල්පීන් බොහොම දරුණු (ප්‍රචණ්ඩ) පිරිසක්.

මුලින්ම ඔවුන් ඔබව කොටු කර ගනීවි. (රාමුවට හසු කර ගැනීම)

ඉන්පසු ඔවුන් ඔබට වෙඩි තබාවි. (ඡායාරූපයට නැගීම)

පසුව ඔවුන් ඔබව බිත්තියේ එල්ලාවි.

තුවක්කුවක් අතින් ගත් දඩයක්කරුගේත් කැමරාවක් අතින් ගත් ඡායාරූප ශිල්පියෙකුගේත් අතර ඇත්තේ කෙස් ගහක වැනි පරතරයක් බවයි මගේ අදහස නම්. විනෝදය සඳහා හෝ ජීවත් වීම සඳහා ඔවුන් තම උපකරණ හොඳ හෝ නරක යන දෙවිදිහටම භාවිතා කරයි. ඉලක්කය සපුරා ගැනීම සඳහා දෙදෙනාම එකම අවශ්‍යතා සපුරා ගත යුතුය. උදාහරණයක් ලෙස ඉවසිලිවන්ත වීම, නිවැරදි පුහුණුව ආදී ගුණාංග දෙදෙනාටම පොදුය. තව සමාන කම් බොහොමයක් ඇත.

නමුත් පැන නගින හොඳම ගැටලුව වෙන්නෙ වඩාත් භයානක දඩයක්කරුද, ඡායාරූප ශිල්පියාද කියන එකයි.....

මගේ උත්තරේ නම් වඩාත්ම භයානක වෙන්නේ කැමරාවෙන් සන්නද්ධව ඉන්න ඡායාරූප ශිල්පියා තමයි.

ඒ මොකද කියනවා නම්,

"තුවක්කුවෙන් වෙඩි තියන එක් උණ්ඩයකින් වරකට මරා දැමිය හැක්කේ එක් මිනිසෙකු වුවත් කැමරාවෙන් ගන්නා එක් ඡායාරූපයකින් වරකට මිනිසුන් දහස් ගනනක් මරා දැමිය හැක"

****මේ කතාව මීට කලින් කවුරු හරි කියලා නැත්නම් ඔන්න මං තමයි මුලින්ම කිවුවෙ...****

**ඡායාරූප ගූග්ල් වෙතින්…