හැමෝටම ස්තුතියී.....

    කාලෙකට පස්සෙ ආපහු එන්න වෙලාවක් ලැබුණු එකේ ආයෙත් මේ පැත්තෙ පැල පදියම් වෙන්න හිතුනා. නිදහසට කාරණා කියන්න හොඳ නෑ කියලා කියන නිසා පරක්කුවට හේතු කාරණා නොකියම ඉන්නම්... දැන් ඉතින් කියපියව් රටේම තියෙන කුණු කතා ටික...

    ආපහු ට්‍රැක් එකට බහින්න කලින් සෙට් එකටම ස්තුති කරන්න හේතු කාරණාවක් ගැන කියන්න තියෙනවා. මං කලින් දවසක ඉල්ලීමක් කරලා දාපු පෝස්ට් එක මතක ඇති. ඉතින් ඒ පෝස්ට් එක කියවපු ගමන්ම ඒකට උදව් කරන්න ඉදිරිපත් උනු එකට කට්ටියටම ස්තුතියි.

    ඒ උදව් නිසා පෝස්ට් එක දාලා මාසයක් යන්න කලින් පාසලට අඩුපාඩු වෙලා තිබුණු උපකරණ කිහිපයක්ම ගන්න පුළුවන් කම ලැබුණා.

වයිට් බෝඩ් කිහිපයක්,
හොඳ තත්වයේ ප්‍රොජෙක්ටර් යන්ත්‍රයක්,
ප්‍රොජෙක්ටර් ස්ක්‍රීන් එකක්,
තූර්යවාදක කණ්ඩායමට උපකරණ කිහිපයක්

වගේම දෙමව්පියො දෙන්නම නැති ආච්චි අම්මා විසින් බලාගන්න දරුවෙකුට ලබන අවුරුද්දට පාසල් උපකරණ ගන්න මුදලකුත් වෙන් කරන්න හැකියාවක් ලැබුණා.

    ඉතින් මේ දේවල් කරන්න රුපියල් 65000 ක මුදලක් දුන්නු ඔයගොල්ලො හැමෝටම විදුහල්පති තුමිය, ගුරු මණ්ඩලය, දෙමව්පියන්, සිසු දරුවන් වගේම මගෙත් හෘදයාංගම ස්තුතිය...