ඕන කෙනෙකුට ෆොටෝ ගන්න පුලුවන්ද….?

මුලින්ම කියන්න ඕනෙ මගෙ පළවෙනි පෝස්ට් එක බලලා අඩු පාඩු පෙන්නලා දීලා මාව දිරිමත් කරපු හැමෝටම ගොඩාක් ස්තුතියී කියලා…...

දැන් ආපහු මාතෘකාවට…

ඡායාරූපය ගූග්ල් හරහා ගත්තෙමි.

ඕන කෙනෙකුට ෆොටෝ ගන්න පුලුවන්ද? එක එක්කෙනා ලඟ එක එක උත්තර ඇති. ඒත් මන් ලඟ තියෙන්නෙ එක උත්තරයයි. පුලුවන්.

ස්වයංක්‍රීය යෙදවුම (Auto Mode) සහිත කැමරාවක් තියෙනවා නම්, ඒකෙ ද්වාර ස්විචය (Shutter Release Button)  ඔබන්න දන්නවා නම් ඕනෙ කෙනෙකුට ෆොටෝ ගන්න පුලුවන්. අද වෙනකොට කැමරාව සහිත ජංගම දුරකතනයක් නැති කෙනෙක් නැති තරම්. ඉතින් දුරකතනයේ තියෙන කැමරාවෙන් හැමෝම ෆොටෝ ගන්නවා නම් ඕනෙම කෙනෙකුට ෆොටෝ ගහන්න බැරි නැහැ. පුලුවන්…..

නමුත්,

ෆොටෝ එකක් (ඡායාරූපයක්) ගැනීම සහ ඡායාරූපකරණය කියන්නෙ කාරණා දෙකක්… හැමෝම ෆොටෝ ගත්තට හැමෝටම ඡායාරූපකරණයේ යෙදෙන්න නම් බැහැ.

ෆොටෝ ගහනවා කියන්නෙ ඇහැට පේන මොනයම් හෝ දෙයක් කැමරාවක සටහන් කර ගන්නවට. ඒත් ඡායාරූපකරණය කියන්නෙ කලාවක්. ඒකෙදි ඇහැට පේන දේ විතරක් නෙවෙයි මනසට පේන දේත් කැමරාවක සටහන් කර ගැනීම සිදු වෙනවා.

මිනිසුන් සිදු කරන ක්‍රියාවන් සියල්ල එක් අවස්තාවකදී කලාවන් බවට පත් වෙනවා. සාමාන්‍යයෙන් සිදු කරන ක්‍රියාවක් යොදාගෙන යමක් ප්‍රකාශ කරනවා නම්, ඒකෙන් තව කෙනෙකුට විඳින්න සිතන්න යමක් දෙනවා නම් ඒ දේ කලාවක් වෙනවා.

මොන යම් හෝ කලාවක් කරන්න නම් ඒක ඉගෙන ගන්න වෙනවා. ඒ කියන්නෙ පන්ති ගිහින් ඉගෙන ගන්න කියන දේ නෙවෙයි. පොත පත පරිශීලනය කරලා, දන්න කෙනෙකුගෙන් අහගෙන, පුලුවන් නම් නිවැරදි පාඨමාලාවක් හදාරල, කාලයක් තිස්සේ කැප වෙලා, වැරදි වැරදි ඉගෙනගෙන, අත්දැකීම හරහා තමයි ඉදිරියට යන්න ඕනෙ. ඔතනදි වඩාත්ම වැදගත් දේ තමයි අත්දැකීම් කියන්නෙ. යම් කිසි දෙයක් කරගෙන යනකොට ඒ දේ නිවැරදිව කරන්නෙ කොහොමද, තමන්ට ගැලපෙන රටාව, රිද්මය මොකක්ද කියන දේ දැන ගන්න වෙන්නේ අත්දැකීම් හරහා විතරයි. අත්දැකීම් වැඩි පුද්ගලකුට ප්‍රවීණයෙක් වෙන්නත් පුලුවන්. (ප්‍රවීණයෙක් වෙන්න නම් අත්දැකීම් විතරක් මදි)…….

ඉතින් ඕනෙ කෙනෙකුට ෆොටෝ ගන්න පුලුවන් උනාට ඕනෙ කෙනෙකුට ඡායාරූපකරණයේ යෙදෙන්න පුලුවන්ද……?

මෙම ලිපිය ඇරඹුමක් පමණි……